Category: Publications

ខ្ញុំបាទសូមប្រកាសជាឱឡារិកគាំទ្រយ៉ាងពេញទំហឹង និងប្រកបដោយសោមនស្សរីករាយក្រៃលែង នូវប្រសាសន៍ប្រកបដោយអត្ថន័យខ្ពស់បំផុតរបស់ សម្តេចអគ្គមហាសេនាបតីតេជោនាយករដ្ឋមន្ត្រី កាលពីថ្ងៃទី ៦ ខែតុលា ឆ្នាំ២០២១ ដែលបានផ្តួចផ្តើមឱ្យធ្វើវិសោធនកម្មរដ្ឋធម្មនុញ្ញ និងច្បាប់ពាក់ព័ន្ធ សំដៅឈានទៅកំណត់ឱ្យថ្នាក់ដឹកនាំកំពូលៗរបស់ជាតិ ដែលរួមមាន ប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញ មានសញ្ជាតិខ្មែរតែមួយគត់។ គំនិតផ្តួចផ្តើមប្រកបដោយឧត្តមគតិស្នេហាជាតិខ្ពស់នេះ នឹងបង្ហាញឱ្យឃើញកាន់តែច្បាស់ពីភក្តីភាព និងសុច្ចរិតភាពរបស់ថ្នាក់ដឹកនាំកំពូលៗរបស់ស្ថាប័នជាតិចំពោះប្រទេស និងប្រជាជនកម្ពុជា ជាពិសេសគឺដើម្បីសបញ្ជាក់ថា ទោះក្នុងកាលៈទេសៈណាក៏ដោយក៏ ឯករាជ្យភាព អធិបតេយ្យភាព និងបូរណភាពទឹកដីរបស់កម្ពុជា ត្រូវតែបានការពារដាច់ខាត មិនអាចឱ្យកម្លាំងពីមជ្ឈដ្ឋានខាងក្រៅចូលមកជ្រៀតជ្រែកក្នុងកិច្ចការផ្ទៃក្នុងរបស់ប្រទេសកម្ពុជាបានឡើយ។

 ក្នុងនាមជាកូនខ្មែរមួយរូប ដែលបាននឹងកំពុងជ្រកក្រោមម្លប់សន្តិសុខដ៏ត្រឈៃ របស់សម្តេចអគ្គមហាសេនាបតីតេជោនាយករដ្ឋមន្ត្រី ខ្ញុំបាទសូមចូលរួមជាមួយប្រជាជនកម្ពុជាជាង ១៦ លាននាក់ទៀត ក្នុងការសំដែងនូវអំណរសាទរយ៉ាងកក់ក្តៅជាទីបំផុត និងសូមវាយតម្លៃខ្ពស់បំផុត នូវចំណាត់ការដ៏ត្រឹមត្រូវនិងប្រកបដោយសុភៈវិនិច្ឆ័យរបស់រាជរដ្ឋាភិបាលកម្ពុជា ក្រោមការដឹកនាំដ៏ថ្លៃថ្លា និងមានចក្ខុវិស័យច្បាស់លាស់របស់សម្តេចតេជោនាយករដ្ឋមន្ត្រី ក្នុងការទប់ស្កាត់ការរីករាលដាលនៃជំងឺរាតត្បាតសកល កូវីដ ១៩ បានដោយប្រសិទ្ធិភាពខ្ពស់ និងពុំទាន់បណ្តាលឱ្យមានប្រជាជនកម្ពុជាណាម្នាក់បានបាត់បង់ជីវិតដោយ សារជំងឺនេះឡើយមកដល់បច្ចុប្បន្ននេះ។ ចំណាត់ការដ៏ថ្លៃថ្លានេះ ត្រូវបានសបញ្ជាក់ឱ្យពិភពលោកឃើញ និងដឹងកាន់តែច្បាស់ថែមទៀតតាមរយៈរបាយការណ៍ Le Bureau de Prospective Economique របស់ប្រទេសសេណេហ្កាល់ ស្តីអំពីសន្ទស្សន៍ នៃស្ថានភាពធ្ងន់ធ្ងរនៃជំងឺកូវីដ-១៩ ដែលប្រទេសកម្ពុជាដ៏បវររបស់យើង បានជាប់ចំណាត់ថ្នាក់លេខ១ នៅអាស៊ី និងលេខ៣នៅលើពិភពលោក…