Category: Awards and honors

ថ្ងៃសៅរ៍ ទី៣១ ខែតុលា ឆ្នាំ២០២០៖ ទស្សនៈរបស់ខ្ញុំស្តីពីអាស៊ានថ្ងៃនេះ៖ ថ្ងៃនេះ ខ្ញុំសូមលើកយកបញ្ហាធម្មនុញ្ញអាស៊ាននិងបទប្បញ្ញត្តិសំខាន់ៗមួយចំនួន នៃធម្មនុញ្ញនេះ ដើម្បីចែករំលែកជាមួយអ្នករាល់គ្នា។ ក្នុងនាមជាអតីតសមាជិកនៃក្រុមការងារជាន់ខ្ពស់ស្តីពី ការតាក់តែងធម្មនុញ្ញអាស៊ាន ខ្ញុំយល់ថា អាស៊ាន (មិនថាជាបុគ្គល ជារួម និងទាំងអស់) គួរតែមានមោទនភាពចំពោះធម្មនុញ្ញអាស៊ាន ដែលជាសម្មទិ្ធផលរួមនិងផ្សំគ្នានៃធាតុចូល និងការចូលរួមចំណែកពីរដ្ឋសមាជិកទាំង ១០ របស់អាស៊ាន។ ប្រាកដណាស់ថា ធម្មនុញ្ញអាស៊ានត្រូវបានជំរុញយ៉ាងខ្លាំងនិងបានផ្តល់ចក្ខុវិស័យ ដោយគតិបណ្ឌិតនិងស្មារតីខ្ពស់របស់មេដឹកនាំអាស៊ាន ជាពិសេសប្រមុខរដ្ឋនិងប្រមុខរដ្ឋាភិបាលអាស៊ាន។ គឺថ្នាក់ដឹកនាំអាស៊ាននេះហើយ ដែលបានប្រគល់ភារកិច្ចដល់ឥស្សរជនឆ្នើមនៃប្រទេសអាស៊ានទាំង១០ ឱ្យចាប់ផ្តើមបង្កើតគំនិតជាបឋមនិងការពិភាក្សា ដើម្បីទទួលបាននូវធាតុចូល យោបល់ និងអនុសាសន៍ជាអតិបរមា។ បន្ទាប់ពីកិច្ចប្រជុំចង្អៀត…