www.kaokimhourn.com

Jakarta | 09 Jan 23 | Earlier today, it was an honor for me to officially assume the position of ASEAN SG, during the handover ceremony presided over by Indonesian FM Retno…

Jakarta | 09 Jan 23 | Meeting with H.E. Dato Lim Jock Hoi, 14th Secretary-General of ASEAN, this morning, at ASEC. We had an excellent conversation.

កិច្ចសហប្រតិបត្តិការលើវិស័យការពារជាតិ ក៏ជាវិស័យអាទិភាពមួយ ក្នុងចំណោមវិស័យអាទិភាពជាច្រើនទៀត ដែលលេខាធិការដ្ឋានអាស៊ាន បាននិងកំពុងជំរុញ និងធ្វើការយ៉ាងជិតស្និទ្ធជាមួយបណ្តាប្រទេសសមាជិកអាស៊ានទាំងអស់ ព្រមទាំងជាមួយបណ្តាប្រទេសជាដៃគូសន្ទនាមួយចំនួនរបស់អាស៊ាន។ នៅព្រឹកថ្ងៃទី ៤ ខែមករា ឆ្នាំ២០២៣ នេះ ខ្ញុំបានជួបសំដែងការគួរសម និងជម្រាបលា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ ដោយទទួលបាននូវអនុសាសន៍ណែនាំល្អៗ ក្នុងការបំពេញភារកិច្ចជាអគ្គលេខាធិការអាស៊ាន។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះ សម្តេចពិជ័យសេនា ដែលបានចំណាយពេលវេលាដ៏មានតម្លៃ អនុញ្ញាតឱ្យខ្ញុំ និងក្រុមការងារ បានចូលជម្រាបលា។

សហគមន៍សេដ្ឋកិច្ចអាស៊ាន គឺជាសសរស្តម្ភមួយក្នុងចំណោមសសរស្តម្ភទាំង ៣ របស់អាស៊ាន ដែលមានតួនាទីសំខាន់មិនអាចខ្វះបានក្នុងការជំរុញសមាហរណកម្មសេដ្ឋកិច្ចអាស៊ាន ទាំងនៅក្នុងប្រទេសអាស៊ានខ្លួនឯងផង និងជាមួយប្រទេសដៃគូសន្ទនារបស់អាស៊ានផង។ កាលពីព្រឹកថ្ងៃទី ៣ ខែមករា ឆ្នាំ២០២៣ នេះ ខ្ញុំបានជួបសំដែងការគួរសម និងជម្រាបលា ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាតំណាងជាតិសម្រាប់ក្រុមប្រឹក្សាសហគមន៍សេដ្ឋកិច្ចអាស៊ាន ដោយទទួលបាននូវអនុសាសន៍ណែនាំល្អៗ ក្នុងការបំពេញភារកិច្ចជាអគ្គលេខាធិការអាស៊ាន។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមរដ្ឋមន្ត្រី ដែលបានចំណាយពេលវេលាដ៏មានតម្លៃ អនុញ្ញាតឱ្យខ្ញុំ និងក្រុមការងារ បានចូលជម្រាបលា។

វិស័យសន្តិសុខ ជាផ្នែកមួយដ៏មានសារៈសំខាន់ ដែលទាមទារឱ្យមានការយកចិត្តទុកដាក់ និងត្រូវមានកិច្ចសហប្រតិបត្តិការយ៉ាងជិតស្និទ្ធ រវាងលេខាធិការដ្ឋានអាស៊ាន និងប្រទេសសមាជិកអាស៊ានទាំងអស់។ នៅព្រឹកថ្ងៃទី ៣ ខែមករា ឆ្នាំ២០២៣ នេះ ខ្ញុំបាទបានចូលជួបសំដែងការគួរសម និងជម្រាបលា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយបានទទួលនូវឱវាទណែនាំល្អៗ ក្នុងការបំពេញតួនាទីជាអគ្គលេខាធិការអាស៊ាន។ ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចក្រឡាហោម ដែលបានចំណាយពេលវេលាដ៏មានតម្លៃអនុញ្ញាតឱ្យខ្ញុំបាទ និងក្រុមការងារ បានចូលជម្រាបលា។