នៅព្រឹកថ្ងៃទី ២៣ ខែធ្នូ ២០២២

នៅព្រឹកថ្ងៃទី ២៣ ខែធ្នូ ២០២២ ខ្ញុំបានចូលជួបសំដែងការគួរសម ក៏ដូចជាស្វែងរកនូវដំបូន្មាន និងជម្រាបលា ឯកឧត្តមកិត្តិបរិរក្សបណ្ឌិត ហោ ណាំហុង ឧបនាយករដ្ឋមន្ត្រី ដែលជាអតីតប្រមុខការទូតដ៏ឆ្នើមរបស់កម្ពុជា មុនពេលខ្ញុំត្រូវចេញដំណើរទៅបំពេញភារកិច្ចនៅប្រទេសឥណ្ឌូណេស៊ី ក្នុងនាមជាអគ្គលេខាធិការអាស៊ាន នៅដើមឆ្នាំ២០២៣ ខាងមុខ។ ខ្ញុំធ្លាប់ធ្វើការនៅក្រសួងការបរទេស និងសហប្រតិបត្តិការអន្តរជាតិ អស់រយៈពេល ១៣ ឆ្នាំ នៅក្រោមការដឹកនាំ និងការណែនាំរបស់ឯកឧត្តមឧបនាយករដ្ឋមន្ត្រី។