រាជធានីភ្នំពេញ ថ្ងៃព្រហស្បតិ៍ ១៣ កើត ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី ៦ ខែកុម្ភៈ ឆ្នាំ២០២០

រាជធានីភ្នំពេញ ថ្ងៃព្រហស្បតិ៍ ១៣ កើត ខែមាឃ ឆ្នាំកុរ ឯកស័ក ព.ស. ២៥៦៣
ត្រូវនឹងថ្ងៃទី ៦ ខែកុម្ភៈ ឆ្នាំ២០២០៖ បណ្ឌិត កៅ គឹមហួន រដ្ឋមន្ត្រីប្រតិភូអម
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើ
សន្និសីទសារព័ត៌មានស្តីពីលទ្ធផលសំខាន់ៗនៃទស្សនកិច្ចផ្លូវការរបស់
សម្តេចតេជោនាយករដ្ឋមន្ត្រី ទៅកាន់ (១). ទីក្រុងសេអ៊ូល សាធារណរដ្ឋកូរ៉េ
ពីថ្ងៃទី ៣ ដល់ ៥ ខែកុម្ភៈ ឆ្នាំ២០២០ ដែលរួមមានការចូលរួមកិច្ចប្រជុំកំពូល
ពិភពលោកឆ្នាំ ២០២០ របស់អង្គការសហព័ន្ធសន្តិភាពសកល ក៏ដូចជា
ជំនួបទ្វេភាគីជាមួយ ឯកឧត្តម ម៊ូន ចេអ៊ីន ប្រធានាធិបតីនៃសាធារណរដ្ឋកូរ៉េ
ឯកឧត្តម បាន គីម៊ូន អតីតអគ្គលេខាធិការអង្គការសហប្រជាជាតិ
លោកជំទាវបណ្ឌិត ហាក់ ចាហាន់ម៊ូន ស្ថាបនិកអង្គការសហព័ន្ធសន្តិភាពសកល
និងឥស្សរជនមួយចំនួនទៀត ព្រមទាំងជួបសំណេះសំណាលជាមួយបងប្អូនខ្មែរ
និងនិស្សិតខ្មែរដែលកំពុងរស់នៅសាធារណរដ្ឋកូរ៉េ ជាច្រើននាក់។
(២). ទីក្រុងប៉េកាំង សាធារណរដ្ឋប្រជាមានិតចិន ពីថ្ងៃទី ៥ ដល់ ៦ ខែកុម្ភៈ ឆ្នាំ២០២០
សម្រាប់ទស្សនកិច្ចការងារ និងជំនួបទ្វេភាគីជាមួយ ឯកឧត្តម ស៊ី ជីនពីង
ប្រធានាធិបតីនៃសាធារណរដ្ឋប្រជាមានិតចិន
និង ឯកឧត្តម លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិន។